Camping-hage-logg

Kjære eventuelle lesar!

Dette er ein liten logg, mest til eige bruk, berre for å hugse kva eg sådde kvar.

Det kjem meir underhaldande innlegg etter kvart. Lovar!

Ruccola og reddik vart sådd 2. juni. Purren og chilien bak er kjøpt på gartneriet på Leikanger, 

15. juni måtte det tynnast. Desse "babyane" smakar kjempegodt! Eg
lar det stå att nokre litt tett, så kan eg tynne etter kvart. 

Stakkars bortskjemte svenskeplante frå økologisk utsal på Nesodden! "Den tåler ikke vind", sa dama. Sidan den kom i jorda her omlag 25. mai, har vi hatt åtte-ti rundar med ekstremvind. Kompisen ga opp, men denne lenar seg inntil campingvogna og blomstrar på trass!

Markjordbær og to typer sukkererter.
Den gamle nettingen fekk ein runde metallspray, og vart supertfint klatrestaiv opp etter stabbursveggen. Marias gamle keramikk-dragar held vakt, ikkje in brunsnegle å sjå så langt :)

Salvie, brønnkarse og timian kjøpt på Stedje gartneri. Ellers prøver eg å halde liv i butikk-urter,
men dei er nok ikkje skapt for det harde livet på husmannsplassen...

Plome-massakre

Den varme og solrike våren gjorde at plometrea fekk unna blomstring og knyting på ei veke i år. Alt no heng greinene tunge, og i dag tynna vi bort over halvparten.

Som ein drueklase! På tunne, unge greiner fjerna vi 75% av Viktoria-plomene.

Papan, Alfred, kan kunsten. 

Et nytt kapittel – hagen på Haugen

(Dette innlegget blir utvida med bildete og skildringar.)

Heime på Haugen var hage mest naudsynt matauk, heilt frå før far min vart fødd her på husmannsplassen i 1938. Dei få dyrkbare jordflekkane mellom all leire og stein vart brukt til å fø folka, mest på potet, gulrot, kål, purre. Framleis har vi rips, solbær, plommer, eple, rabarbra og ulike urter.

(Men bestemor Gjertrud likte blomar også, meir om det seinare).